Jurnalistlə kobud davranan həkimlər cəzalandırıldı

Jurnalistlə kobud davranan həkimlər cəzalandırıldı
Mingəçevir Şəhər Mərkəzi Xəstəxanasının səlahiyyətli şəxsləri cəzalandırılıb.

Bu barədə TƏBİB məlumat yayıb. 

Tibb ocağının baş həkimi Eldar Kərimov, travmatoloq Cavid İsmayılov, cərrah Tofiq Balakişiyevə intizam məsuliyyətinə cəlb edilərək töhmət verilib.

"Ümid edirik ki, bir daha tibb işçiləri tərəfindən həkim etikasına yaraşmayan belə davranışlar təkrarlanmayacaq. Vətəndaşlarımızı, eləcə də media təmsilçilərini isə neqativ hallara qarşı mübarizədə birgə fəaliyyətə dəvət edirik. Əminik ki, ictimai qınaq bəhrəsini verəcək”,  - məlumatda qeyd olunub.

Qeyd edək ki, dünən jurnalist Aynur Elgünəş sürücülük vəsiqəsini yeniləmək üçün Mingəçevir şəhər xəstəxanasına müraciət edərək sağlamlıq haqqında arayış almaq istəyib. Baş həkim ona "əlil nədir, maşın sürmək nədir” deyə irad bildirib. 


İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
infomiqaz@gmail.com

www.miq.az