İranla danışıqlar dayandırıldı: “Yaxın günlərdə qərar veriləcək” – Şok hədə

İranla danışıqlar dayandırıldı: “Yaxın günlərdə qərar veriləcək” – Şok hədə

"İran danışıqlara ciddi yanaşmır, buna görə də müzakirələrdə irəliləyiş yoxdur”.

Teleqraf.com xəbər verir ki, bunu ABŞ Dövlət katibi Entoni Blinken Vyanada İranla "Altılıq” arasında danışıqların yenidən başlamasına münasibət bildirərkən deyib.

Onun sözlərinə görə, İran danışıqlara ciddi yanaşmadığı üçün və bu səbəbdən müzakirələrdə müsbət irəliləyiş olmadığına görə dialoq müvəqqəti olaraq dayandırılıb.

"Son iki gündə aparılan müzakirələrdən görünən budur ki, İran qarşılıqlı olaraq nüvə razılaşmasına qayıtmaqda ciddi deyil. Məhz buna görə də biz danışıqların bu mərhələsinə son qoyduq”, - Blinken qeyd edib.

Dövlət katibi ABŞ hökumətinin İranın nüvə proqramı ilə bağlı mövqeyini bir daha təkrarlayıb:

"ABŞ İrana danışıqları uzatmaqla öz nüvə proqramını inkişaf etdirməsinə imkan verməyəcək. Diplomatiya uğursuz olacağı təqdirdə, Vaşinqton digər variantları nəzərdən keçirəcək. Biz yaxın günlərdə mühüm qərarlar verməliyik. Bu prosesdə iştirak edən tərəfdaşlarımızla məsləhətləşmələr apararaq, İranın bu müzakirələrdə nə qədər ciddi olub-olmadığını müəyyən edəcəyik”.

Miq.Az


İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
infomiqaz@gmail.com

www.miq.az