Erməni ekspert: Ermənistanın baş naziri azərbaycanlı olsun

Erməni ekspert: Ermənistanın baş naziri azərbaycanlı olsun

Ermənistanda baş nazir kimi azərbaycanlı təyin edilsə, mən ancaq dəstəkləyərəm.

Miq.Az Media.az-a istinadən xəbər verir ki, bunu milliyyətcə erməni olan ukraynalı siyasi ekspert Rüstəm Aloyan deyib.

"Bilirsiniz niyə mən bunu dəstəkləyirəm?! Ermənistanda iki rəhbər var: prezident və baş nazir. Əgər onlardan biri azərbaycanlı olarsa, bu, Azərbaycanla sülhə gətirib çıxarar”, - deyə o, fikrini izah edib.

Ermənistan xalqının bunu necə qəbul edəcəyi ilə bağlı suala isə Aloyan bildirib ki, onlar buna hazırlanmalıdır.

"Əgər mən Ermənistanın prezidenti olsaydım və Azərbaycan, həmçinin Türkiyə xalqları ilə sülhsevər, yaxşı münasibətlər qurmaq istəsəydim, erməni xalqına hörmət edən, Ermənistan iqtisadiyyatının və ölkələr arasında dostluq əlaqələrinin inkişafı üçün çalışmağa hazır olan azərbaycanlını baş nazir təyin edərdim”, - deyə Aloyan bildirib.

Miq.Az


İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
infomiqaz@gmail.com

www.miq.az