Növbəti panika: Xankəndi ətrafında atışma səsləri eşidildi

Növbəti panika: Xankəndi ətrafında atışma səsləri eşidildi

Xankəndi ətrafında atışma səslərinin eşidildiyi barədə növbəti dəfə məlumat yayılıb.

Axar.az xəbər verir ki, bu dəfə informasiyanı "Ria Novosti” də tirajlayıb.

Məsələ ilə bağlı Rusiya sülhməramlı kontingentindən açıqlama verilməyib.

Qeyd edək ki, ötən gün də Xankəndidə atışma eşidildiyi barədə məlumat yayılmışdı. Daha sonra bəlli oldu ki, Xankəndi sakini olan bir neçə sərxoş havaya avtomat silahlardan atəş açıb. Bu gün onların saxlanıldığı da açıqlandı.

Ümumiyyətlə isə Xankəndi və rus sülhməramlılarının nəzarəti altında olan digər Azərbaycan ərazilərindəki ermənilərdə niyə indiyə qədər silah olduğu və yaxud silahlı erməni dəstələrinin orada niyə indiyə qədər qalması barədə açıqlama verilməyib. Halbuki 10 noyabr Bəyanatına əsasən, rus sülhməramlılarının yerləşməsi ilə erməni ordusu və silahlıları Azərbaycan ərazisini tərk etməli idi.

Miq.Az



İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
infomiqaz@gmail.com

www.miq.az