İranın verdiyi “cəsarət”: İrəvan dəhlizdən imtina edir

 İranın verdiyi “cəsarət”: İrəvan dəhlizdən imtina edir

Ermənistan rəhbərliyi artıq neçənci dəfədir ki, Azərbaycan, Rusiya və Ermənistan liderləri tərəfindən imzalanan 10 noyabr 2020-ci il bəyanatının şərtlərini yerinə yetirməkdən açıq şəkildə boyun qaçırır.

Miq.Az xəbər verir ki, Ermənistan parlamentinin Xarici əlaqələr komissiyasının rəhbəri, hakim Mülki Müqaviləsi Partiyasının İdarə Heyətinin üzvü Eduard Ağacanyan Zəngəzur dəhlizinin erməni tərəfi üçün qəbuledilməz olduğunu deyib.

"Ermənistan Zəngəzur dəhlizi məsələsini müzakirə etməkdən imtina edir və əvvəldən bundan imtina edib”, - Ağacanyan bildirib.

Ağacanyan hətta bir az da irəli gedərək bəyan edib ki, Azərbaycan konstruktiv müzakirələrə töhfə vermir.

Görünür, İranın, xüsusilə bu ölkənin Ali dini lideri Seyid Əli Xameninin Zəngəzur dəhlizinə qarşı daha bir təhdid dolu paylaşımları, "İslam Respublikası İran-Ermənistan sərhədinin bağlanmasına səbəb olacaq siyasət və ya planlara dözməyəcək” kimi açıqlamaları Ermənistan tərəfini "cəsarətləndirib”.

Miq.Az


İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
infomiqaz@gmail.com

www.miq.az